Útrásarvíkingar reyna að stöðva framboð Lýðræðishreyfingarinnar

Lýðræðishreyfingin krefst þess að formanni yfirkjörstjórnar Norður verði vikið úr starfi og rannsókn fari fram á tengslum annarra starfsmanna yfirkjörstjórna við útrásarvíkinga og stjórnmálaflokka.

Eftir að framboði Lýðræðishreyfingarinnar var skilað í gær til yfirkjörstjórnar í Reykjavík Norður sem Erla S. Árnadóttir hrl frá Lögmannsstofunni Lex er í forsvari fyrir, bárust símhringingar til annarra kjörstjórna og reynt að fá þær til að ógilda framboð Lýðræðishreyfingarinnar með því að bera fyrir sig smávægilegan formsgalla sem ekki einu sinni er skýr lagastoð fyrir.

Fyrri oddviti yfirkjörstjórnar Reykjavík Norður Þórunn Guðmundsdóttir hrl braut blað í sögu Íslenskra stjórnmála þegar hún hóf ófrægingarherferð gegn Ástþóri Magnússyni í aðdraganda forsetakosninga 2008 og sagði það "nauðgun á lýðræðinu í landinu" byði Ástþór sig aftur fram í kosningum hér á landi. Lét Þórunn að því liggja að Ástþór hafi blekkt kjósendur í forsetakosningum árið 2004.

Lögmannsstofan Lex starfar fyrir Ólaf Ólafsson og Samskip sem Ástþór á nú í málaferlum við eftir að lýsa því yfir að hann vilji að lögregla kanni bókhaldsóreiðu hjá Samskip. Þá hefur Ástþór lýst því yfir í fjölmiðlum að komist hann til áhrifa á Íslandi muni það verða sitt fyrsta verk að sækja Ólaf Ólafsson og aðra þá fjárglæframenn sem hafa sett þjóðina á hausinn og koma þeim í gæsluvarðhald á meðan bankahrunið er rannsakað. Lex hefur einnig starfað mikið fyrir Baugsveldið og aðra útrásarvíkinga.

Eftir að fulltrúar útrásarvíkinganna hringdu í yfirkjörstjórn Norðvesturkjördæmis birtist frétt á mbl.is í gærkveldi þar sem sett voru fram fullyrðingar af formanni þeirrar kjörstjórnar um lista Lýðræðishreyfingarinnar sem standast ekki og stangast á við lög.

Lýðræðishreyfingin er nú að vinna að kærum og krefst þess að rannsókn fari fram á störfum yfirkjörstjórna. Þá mun Ástþór Magnússon funda með fulltrúum frá kosningaeftirliti Öryggis og Samvinnustofnunar Evrópu um málið.

Vonlausu framboðin og borgarahreyfing sem fótum treður lýðræðið

Sigurjón M. Egilsson sagði í Sprengisandi á Bylgjunni að Borgarahreyfingin, L-Listinn og Frjálslyndi flokkurinn séu vonlaus framboð og spyr hversvegna þau hætti ekki þessu brölti.

Borgarahreyfingin hlýtur þó að toppa bröltið með sínu lýðskrumi. Þau segjast vilja þjóðina á þing, en vilja samt ekki vinna innan eigin hreyfingar með lýðræðislegum hætti. 

Skemmst er að minnast þegar Borgarahreyfingin bar lýðræðið út á gaddinn þegar Ástþór Magnússon var í bókastaflegri merkingu borinn út af fundum þeirra í Borgatúni og leikhúsinu Iðnó. Meira að segja eftir að hann var "kosinn" inn aftur af fundinum í Iðnó stöðvaði hópur öryggisvarða "Opins borgarafundar" að hann fengi að mæla á fundinum.

Hvernig ætlar Borgarahreyfingin að hafa þetta á Alþingi næðu þau brautargengi? Bera út þingmenn sem eru þeim ekki þóknanlegir. Endurtaka leikinn úr Borgartúni og Iðnó og fjarlægja fólk sem einhverjum í þeirra röðum er í nöp við af áhorfendapöllum Alþingis? Bera út af þingpöllunum eins og gert er í einræðis- og kommúnistaríkjum Ástþór og aðra slíka áhugamenn um virkt lýðræði?

Í Silfri Egils kom fram að Borgarahreyfingin er nú að raða uppá framboðslista með sovésk vinnubrögð að leiðarljósi. Þráinn Bertelsson rithöfundur segir þau búin að lofa sér fyrsta sætinu í Reykjavík norður. Kjósendur fá ekkert að velja um þetta, kommisserarnir í Borgarahreyfingunni vita betur en lýðurinn og í bakherbergjum sínum hafa þau ákveðið að Þráinn sé maðurinn fyrir fólkið.

Birgitta Jónsdóttir einn frambjóðenda Borgarahreyfingarinnar segist ekki trúa á beint lýðræði og hún vilji alls ekki að þjóðin geti kosið um einstök mál. Bara stærri mál í þjóðaratkvæðagreiðslum. Hver á velja þau mál? Skáldið Birgitta og leikstjórinn Gunnar Sigurðsson?

Vonandi hefur þjóðin þá skynsemi að kjósa ekki yfir sig svona kommalýð sem hefur mánuðum saman siglt undir fölsku flaggi. Þannig hafa þau réttlætt ítrekaðar beinar útsendingar hjá RÚV, með því að tefla fram leiksýningum kallað "Opinn borgarafundur". Nú eftir marga klukkutíma af ókeypis sjónvarpsefni á kostnað þjóðarinnar tefla þau síðan fram sínu framboði sem auðvitað var alltaf á leynidagskránni hjá þeim. 

Bjarni Harðar og L-listinn er litlu skárri en koma þó til dyranna eins og þeir eru klæddir.  Þeir vilja ekki leyfa þjóðinna að kjósa um Evrópumálin. Fáranlegt að leyfa þjóðinna að velja um svona hluti segir gamla framsóknarbullan, við vitum betur en kjósendur. Er ekki komið nóg af svona framsóknarstefnu á Íslandi?

Synd með Frjálslynda flokkinn en auðvitað var hann dauðadæmur frá upphafi því þessi flokkur spratt uppúr ónægju stofnandans þegar honum var kastað á dyr í Landsbankanum fyrir spillingu. Auðvitað hafnar þjóðin flokki sem reis úr spillingarmýri.

Eina nýja framboðið sem sett er fram af heiðarleika og sem hægt er að treysta fyrir að koma hér á virku og alvöru lýðræði er Lýðræðishreyfingin. Skora á ykkur að kynna ykkur frábærar hugmyndir um rafrænt Alþingi, þátttöku almennings í umfjöllun og forgangsröðun mála og fleira á vefnum www.lydveldi.is. Þeir eru einnig komnir með útvarp í loftið Lýðvarpið á FM100.5 og vefinn frettavakt.is